جاپان کے وزیراعظم کا عراق پرایرانی حملے کے بعدخلیجی ممالک کادورہ منسوخ

ٹوکیو(نیوز ڈیسک )جاپان کے وزیراعظم نے عراق پرایرانی حملے کے بعدخلیجی ممالک کادورہ منسوخ کردیا۔جاپانی وزیراعظم کوہفتے کے روزسے سعودی عرب، یواے ای اور عمان کے دورے پرروانہ ہونا تھا۔میڈیارپورٹس کے مطابق جاپان کے وزیراعظم شنزوآبے نے عراق پرایرانی حملے کے بعدخلیجی ممالک کادورہ منسوخ کردیا،جاپانی وزیراعظم کوہفتے کے روزسے سعودی عرب، یواے ای اور عمان کے دورے پرروانہ ہونا تھا۔

واضح رہے کہ ایرانی کمانڈر قاسم سلیمانی کے قتل کے جواب میں ایران نے عراق میں امریکیوں کے زیر استعمال فوجی اڈوں پر میزائل حملے کردیے ہیں جس کی تصدیق پنٹا گان کی جانب سے بھی کر دی گئی ہے۔ایرانی میڈیا کا دعویٰ ہے کہ حملہ پاسداران انقلاب کی جانب سے کیا گیا جس میں زمین سے زمین پر مار کرنے والے درجنوں میزائل داغے گئے جبکہ حملے میں عراقی فوجی اڈوں عین الاسد،اربیل اور تاجی کیمپ کو نشانہ بنایا گیا۔ایرانی میڈیا کے مطابق حملوں کا نشانہ بنائے جانے والے مقامات پر امریکی اور دیگر اتحادی ملکوں کے فوجی تعینات ہیں ۔

امریکی محکمہ دفاع پینٹا گون نے بھی عراق میں امریکی فوج کے اڈے پرحملے کی تصدیق کرتے ہوئے بتایا ہے کہ حملہ مقامی وقت کے مطابق صبح ساڑھے 5 بجے ایران سے کیا گیا جس میں ایران نے عراق میں 2 فوجی اڈوں پر ایک درجن سے زائد میزائل فائر کیے اور عین الاسد اور اربیل میں دو عراقی فوجی اڈوں کو نشانہ بنایا گیا۔امریکی میڈیا کا دعویٰ ہے کہ امریکی ریڈار دوران پرواز میزائلوں کابروقت پتاچلانے میں کامیاب رہے تھے جس کے باعث امریکی فوجی محفوظ مقام پر منتقل ہوگئے تھے۔

اس خبر پر اپنی رائے کا اظہار کریں

اپنا تبصرہ بھیجیں