0

یکم مارچ سے تمام سکول معمول کے مطابق کھلیں گے،شفقت محمود

اسلام آباد(نیو زڈیسک)وفاقی وزیر تعلیم شفقت محمود نے کہاہے کہ کورونا صورتحال میں بہتری کے باعث یکم مارچ سے تمام سکول معمول کے مطابق کھلیں گے۔وفاقی وزیر نے کہاکہ بڑے شہروں میں50 فیصد بچوں کو بلانے کی پابندی بھی 28 فروری کو ختم ہو جائے گی ۔واضح رہے کہ گزشتہ روز نیشنل کمانڈ اینڈ آپریشن سینٹر (این سی او سی) نے ملک بھر میں کورونا وائرس کی صورتحال پر غور کے بعد 15 مارچ سے مزارات، سینما ہالز اور ان ڈور شادیوں کی اجازت دینے کا فیصلہ کر لیا ہے۔این سی او سی کی جانب سے جاری نوٹی فیکیشن کے مطابق سینما ہالز، مزارات اور انڈور شادیوں میں کورونا ایس او پیز پر سختی سے عمل کرنا ہوگا۔تجارتی مراکز اور پارکس میں اوقات کار کی پابندی اور 50 فیصد سٹاف کے گھر سے کام کی شرط بھی ختم کر دی گئی ہے تاہم ماسک پہننے اور سماجی فاصلوں کے حوالے سے ایس او پیز پر عمل درآمد جاری رہے گا۔ایس او پیز کے مطابق لوکل باڈیز اور کینٹ بورڈ انتخابات مئی جون کے مہینے میں کئے جائیں گے

اس خبر پر اپنی رائے کا اظہار کریں

اپنا تبصرہ بھیجیں