0

بابر اعظم نے ایک اور اعزاز اپنے نام کر لیا

پاکستان کرکٹ ٹیم کے کپتان بابر اعظم نے زمبابوے کے خلاف سیریز کے پہلے ہی ٹی20 میچ میں 82 رنز کی شاندار اننگز کھیلی اور ایک اور اعزاز اپنے نام کرلیا۔

بابر اعظم نے شاندار کارکردگی کا سلسلہ جاری رکھا ہوا، انہوں نے تیسرے ایک روزہ میچ میں سنچری اسکور کی اور اب پہلے ٹی 20 میچ میں 82 رنز کی فتح گر اننگز کھیلی۔

26 سالہ کرکٹر نے راولپنڈی میں زمبابوے کے خلاف پہلے ٹی 20 میچ میں 82 رنز بنائے اور اس طرز کی کرکٹ میں سال 2020ء کے دوران 1 ہزار رنز مکمل کر لیے۔

بابر اعظم مسلسل 2 سال سے ٹی 20 کرکٹ میں ہزار یا اس سے زائد رنز بنانے والے پہلے پاکستانی بن گئے ہیں۔

بابر اعظم کا زمبابوے کیخلاف ٹی 20 سیریز میں نوجوان کھلاڑیوں کو آزمانے کا عندیہ
دکھ ہے میچ ختم کرکے نہیں آیا، بابر اعظم

قومی ٹیم کے کپتان نے سال 2020ء میں اب تک ایک ٹی 20 سنچری اور 9 نصف سنچریاں اسکور کیں اور 26 اننگز میں 1 ہزار 63 رنز اسکور کیے ہیں۔

بھارت کے کے ایل راہول 993 رنز بنا کر دوسرے نمبر پر ہیں، یہ مسلسل دوسرا سال ہے، جب بابر اعظم نے کیلنڈر سال میں1 ہزار ٹی 20 رنز بنائے ہیں۔

اس خبر پر اپنی رائے کا اظہار کریں

اپنا تبصرہ بھیجیں