35

امریکا میں بینک لوٹنے والے دو پاکستانی لاہور سے گرفتار

لاہور: امریکا میں بینک لوٹنے والے دو پاکستانیوں کو لاہور سے گرفتار کرلیا گیا۔

ایف آئی اے سائبر کرائم ونگ نے امریکا میں بینک لوٹنے کے الزام پر دو پاکستانی شہریوں کو گرفتار کرلیا۔ ڈائریکٹر ایف آئی اے عبدالرب کے مطابق امریکا میں بینک لوٹنے والے دو ملزمان کو لاہور سے ایک واردات کے دوران رنگے ہاتھوں پکڑا گیا ہے۔

ڈائریکٹر ایف آئی اے کے مطابق 31 سالہ وقار گھمن نیویارک میں ٹرک ڈرائیور تھا جس نے محسن ضمیر کے ساتھ مل کر نیویارک کے ایک بینک میں مسلح ڈکیتی کی، ملزمان امریکا میں واردات کے بعد پاکستان آگئے تھے، امریکن ایف بی آئی نے وقار یونس گھمن اورمحسن ضمیر کے نیو یارک میں فیڈرل اریسٹ وارنٹ جاری کر رکھے تھے اور دونوں ملزموں کی گرفتاری پر 30 ہزار ڈالر انعام بھی مقرر تھا۔

ڈائریکٹر ایف آئی اے نے یہ بھی بتایا کہ 35 سالہ محسن ضمیر پیشے کے اعتبار سے آئی ٹی اسپیشلسٹ ہے جب کہ دونوں ملزمان کو لاہور کے ایک بنک میں جعل سازی کرتے ہوئے پکڑا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں