یکم مئی سے 6 مئی تک ملک بھرمیں بارشوں کا امکان

اسلام آباد(نیو زڈیسک)جمعہ سے اگلی جمعرات تک ملک کے 90 فیصدعلاقوں میں بارشوں کا امکان ہے۔محکمہ موسمیات کے مطابق یکم مئی سے 6 مئی تک ملک کے 90 فیصدعلاقوں میں بارشوں کا امکان ہے۔ صوبہ پنجاب، بلوچستان ،خیبرپختونخواہ اورسندھ میں بارشوں کا امکان ہے۔بلوچستان کے اکثرمقامات پرموسلا دھاربارش سمیت آندھی اور ژالہ باری کا امکان ہے۔ کوئٹہ ،چمن ، خوجک ، ڑوب، قلعہ عبداللہ، پشین، قلعہ سیف اللہ، لورا لائی، ہرنائی، سبی،میختر، کوہلو، بارکھان، ڈیرہ بگٹی، سوئی ، ڈیرہ مراد جمالی، زیارت، نوشکی، خاران، قلات، دالبندین، خضدار، بیلا، اوتھل، آواران، پنجگور، تربت میں اکثر مقامات پر موسلا دھار بارش، آندھی اور ژالہ باری کا امکان ہے۔دوسری جانب یکم مئی سے 7 مئی کے دوران خیبرپختونخواہ کے تمام علاقوں میں تیز آندھی، گرج چمک کے ساتھ موسلادھار بارشوں کا امکان ہے۔ گرج چمک کے شدید طوفان وادی پشاور، مردان، چارسدہ، کوہاٹ، بنوں، بشام ، کوہستان میں روزانہ آئیں گے۔ وادی چترال ، سوات ، کوہستان ، کاغان ، ناران ، بابو سر ٹاپ سمیت 9 ہزار فٹ سے زائد بلند پہاڑوں پر برف باری متوقع ہے۔صوبہ پنجاب میں بھی بارشوں کا امکان ظاہر کیا جارہا ہے۔ مری ، راولپنڈی، اسلام آباد، اٹک ، ٹیکسلا ، واہ کینٹ ،تلہ گنگ، چکوال، کلر کہار، جہلم ، کھیوڑہ ،منڈی بہاوالدین میں بارشوں کا امکان ظاہرکیا گیا ہے۔محکمہ موسمیات کے مطابق 9 ہزارفٹ سے زائد پہاڑوں پرایک بارپھر برفباری کا امکان ہے۔ 30 اپریل سے 8 مئی کے دوران آزاد و مقبوضہ کشمیراورگلگت بلتستان میں بھی موسلادھار بارشوں کا امکان ہے۔سندھ کے بھی کچھ علاقوں دادو ، کیرتھر نوری آباد، حیدرآباد، ٹھٹھہ ، میرپور خاص، شکار پور ، سکھر ، شھدادکوٹ ، لاڑکانہ، جیکب آباد ، نوشہرہ فیروز، جوہی، سیہون شریف ، قاضی احمد، سکرنڈ ، نوابشاہ میں کہیں کہیں گرج چمک کے ساتھ بارش اور ڑالہ باری کا امکان ہے۔

اس خبر پر اپنی رائے کا اظہار کریں

اپنا تبصرہ بھیجیں