امیگریشن معطلی 60 روز کیلئے ہوگی، ٹرمپ

اسلام آباد(نیو زڈیسک)امریکا کے صدر ڈونلڈ ٹرمپ نے کہا ہے کہ نئے ایگزیکٹو آرڈر کے تحت امیگریشن معطلی آئندہ 60 روز کے لیے ہوگی۔انہوں نے کہا کہ شاید وہ آج ہی امیگریشن معطلی کے حکم نامے پر دستخط کر دیں گے کیونکہ اس اقدام سے لاک ڈاؤن کے بعد معیشت کی بحالی پر اور بے روزگار امریکیوں کو ملازمت حاصل کرنے میں مدد ملے گی۔صدر ٹرمپ نے کہاکہ ابتدائی طور پر امیگریشن 60 روز کے لیے معطل کی ہے، اضافے یا تبد لیوں سے متعلق فیصلہ معاشی حالات دیکھ کر کریں گے۔ٹرمپ نے مزید کہا کہ اس حکم کا اطلاق صرف ان افراد پر ہوگا جو مستقل رہائش کے خواہاں یا دوسرے الفاظ میں، گرین کارڈ حاصل کرنا چاہتے ہیں جبکہ اس پابندی کا اطلاق عارضی بنیادوں پر داخل ہونے والوں پر نہیں ہوگا۔امریکی صدرٕ نے شمالی کوریا کے سربراہ کم جونگ اُن کے لیے بھی نیک خواہشات کااظہار کیا اور کہا کہ وہ دعا گو ہیں کہ کِم جونگ جلدصحت یاب ہوں

اس خبر پر اپنی رائے کا اظہار کریں

اپنا تبصرہ بھیجیں