0

وزیراعظم کا وژن ٹارگٹڈ لاک ڈاؤن ہے، صداقت علی عباسی

اسلام آباد(نیوز ڈیسک)پاکستان تحریک انصاف کے رہنما صداقت علی عباسی کا کہنا ہے کہ وزیراعظم عمران خان کا وژن ٹارگٹڈ لاک ڈاؤن کرنا ہے۔صداقت عباسی نے گفتگو کرتے ہوئے کہا ہے کہ لاک ڈاؤن مشکل موضوع ہے، کورونا وائرس کےمعاشی اثرات سے بھی بچنا ہے، لاک ڈاؤن کتنے عرصے رکھنا ہے متفقہ فیصلہ آج ہوگا ۔رہنما پی ٹی آئی صداقت عباسی نے ملکی معیشت سے متعلق بات کرتے ہوئے کہا کہ کیا یہ معیشت بارہ بارہ ہزار روپے بار بار دےسکتی ہے، یہ سوچنا ہے، معیشت کتنے عرصے تک لاک ڈاؤن برداشت کرسکتی ہے سوال یہ ہے ۔انہوں نے مزید کہا کہ عدالتی احکامات کے مطابق حکومت ڈلیور کرنے کی پوری کوشش کرے گی۔صداقت عباسی کا کہنا تھا کہ کورونا وائرس کے میڈیکل اور معاشی اثرات دونوں سے نمٹنا ہے

اس خبر پر اپنی رائے کا اظہار کریں

اپنا تبصرہ بھیجیں