0

پاکستان میں کورونا کے مریضوں کی تعداد 4000 سے تجاوز ، 54 ہلاکتیں

اسلام آباد (نیوز ڈیسک) پاکستان میں کورونا وائرس کے مریضوں کی تعداد 4000 سے تجاوز کرگئی جبکہ وائرس سے اموات 54 تک پہنچ گئیں۔تفصیلات کے مطابق نیشنل کمانڈاینڈآپریشن سینٹرکی کورونا سے متعلق تازہ ترین اعدادو شمار جاری کردیئے، جس میں بتایا گیا کہ 24 گھنٹےکے دوران 577 نئے کیسز رپورٹ ہوئے اور ملک میں کرونا کیسز کی تعداد 4004 تک جا پہنچی۔اعدادو شمار کے مطابق گذشتہ 24 گھنٹےکےدوران 4 اموات بھی رپورٹ ہوئیں ، جس کے بعد وائرس کے باعث اموات کی تعداد54 ہو گئی جبکہ 28 افراد کی حالت تشویشناک ہیں۔کمانڈ اینڈ آپریشن سینٹر کا کہنا ہے کہ اب تک ملک میں 429 افراد صحتیاب ہو چکے ہیں ، 24 گھنٹے کے دوران 3088 اور مجموعی طورپر39183 ٹیسٹ کئے گئے۔اعدادو شمار میں بتایا گیا کہ وفاقی دارلحکومت میں کورونا وائرس کے 83 کیس رپورٹ ہوئے ، پنجاب کرونا کے مریضوں کی تعداد 2004،سندھ میں932، کےپی میں500،بلوچستان میں 202 ، گلگت بلتستان میں211اور آزاد کشمیر میں 18 ہوگئی۔نیشنل کمانڈ اینڈ کنٹرول سینٹر کے مطابق جان لیوا وائرس کے اکتالیس فیصد کیسز مقامی طور پر منتقل ہوئے ہیں،سندھ میں 17، پنجاب میں 15، خیبر پختونخوا میں 17، گلگت بلتستان میں 3، اسلام آباد اور بلوچستان میں 11 مریض جان سے گئے۔

اس خبر پر اپنی رائے کا اظہار کریں

اپنا تبصرہ بھیجیں