0

حراعمرکا آپریشن کرنے والے ڈاکٹر کا نام ای سی ایل میں شامل کر دیا گیا

کراچی(نیوز ڈیسک) معروف کامیڈین عمر شریف کی بیٹی حرا عمر کا آپریشن کرنے والے ڈاکٹر کا نام ای سی ایل میں شامل کرلیا گیا۔اے لیجنڈری اداکار عمر شریف کی بیٹی حرا مانی کا آپریشن کرنے والے ڈاکٹر فواد کا نام ای سی ایل میں شامل کرلیا گیا، ایف آئی اے نے
ڈاکٹر فواد ممتاز کے خلاف مقدمہ درج کرکے سیل کردیا۔ذرائع کا کہنا ہے کہ ایف آئی اے نے ڈاکٹر فواد ممتاز اور ایجنٹ کا نام ای سی ایل میں شامل کرلیا ہے، ایف آئی آر میں ڈاکٹر فواد ممتاز کے خلاف ناقابل ضمانت دفعات شامل کی گئی ہیں۔واضح رہے کہ پنجاب ہیومن آرگن ٹرانسپلانٹ (فوٹا) نے ایف آئی اے کو معروف کامیڈین عمر شریف کی بیٹی کا آپریشن کرنے والے ڈاکٹر فواد ممتاز کے خلاف کارروائی کی ہدایت کی تھی۔اس حوالے سے فوٹا کی جانب سے ایف آئی اے کے نام مراسلہ جاری کیا گیا تھا جس میں ہدایت کی گئی تھی کہ گردے کی پیوندکاری کرنے والے سرجن ڈاکٹر فواد ممتاز کے خلاف کارروائی عمل میں لائی جائے۔مراسلے میں کہا گیا تھا کہ ڈاکٹر فواد کے خلاف پہلے ہی غیرقانونی طور پر گردے کی پیوندکاری کی ایف آئی آرز درج ہیں، ان کے خلاف غیرقانونی پیوندکاری کے مختلف کیسز لاہور اور ملتان میں رپورٹ ہوئے۔یاد رہے کہ دو روز قبل حرا عمر شریف گردے کے ٹرانسپلانٹ آپریشن میں پیچیدگی کی وجہ سے انتقال کرگئی تھیں جنہیں آج سپرد خاک کیا گیا تھا۔

اس خبر پر اپنی رائے کا اظہار کریں

اپنا تبصرہ بھیجیں