0

واہگہ بارڈر خود کش حملہ کیس ، مجرمان کو 5 ، 5بار سزائے موت کا حکم

لاہور (نیوز ڈیسک) انسداد دہشت گردی لاہور کی خصوصی عدالت نے واہگہ بارڈر خود کش حملہ کیس میں مجرمان کو 5،5بار سزائے موت کا حکم دیتے ہوئے 24 بار عمر قید اور 10،10لاکھ جرمانے کی سزا سنادی۔تفصیلات کے مطابق انسداد دہشت گردی لاہور کی خصوصی عدالت میں واہگہ بارڈرخودکش حملہ کیس کی سماعت ہوئی ، اس موقع پر مجرموں کو سخت سکیورٹی میں عدالت پیش کیا گیا، جج اعجاز احمد بٹر نے واہگہ بارڈر خودکش حملہ کیس کا فیصلہ سنایا۔فیصلے میں عدالت نے 3 سہولت کاروں حسین اللہ ، حبیب اللہ اور سید جان گجنی کو پانچ پانچ بار سزائے موت اور مجموعی طور پر تین تین سو سال قید کی سزا کاحکم دیا۔عدالت نے مجرموں کو تیس تیس لاکھ روپے مقتولین کے ورثا کو بطور معاوضہ ادا کرنے کا بھی حکم دیتے ہوئے مجرموں کو عمر قید اور دس دس لاکھ جرمانے کی بھی سزا سنائی جبکہ ملزم شفیق، غلام حسین اور عظیم کو شک کا فائدہ دیتے ہوئے بری کر دیا۔یاد رہے 2014ء میں واہگہ بارڈر پر ہونیوالے خودکش دھماکہ میں 55 افراد شہید اور 107 افراد زخمی ہوئے تھے

اس خبر پر اپنی رائے کا اظہار کریں

اپنا تبصرہ بھیجیں