شہبازشریف پاکستان کب واپس آئینگے؟ ن لیگ کی جانب سے تاریخ کا اعلان کردیا گیا

لاہور(نیوز ڈیسک)مسلم لیگ ن کے رہنما اور پنجاب کے سابق وزیر قانون رانا ثناء اللّٰہ کا کہنا ہے کہ شہباز شریف مارچ کے پہلے ہفتے تک واپس آجائیں گے۔رانا ثناء اللّٰہ نے ایک نجی ٹی وی کے پروگرام میں شہباز شریف کی واپسی سے متعلق گفتگو کے دوران کہا ہے کہ شہباز شریف مارچ کے پہلے ہفتے تک واپس آجائیں گے اور واپس آکر پارٹی کی بھرپور طریقے سے قیادت کریں گے۔رانا ثناء اللّٰہ نے کہا کہ موجودہصورتحال کا واحد حل ہے کہ عوام سے رجوع کیا جائے، ان حالات میں ضروری ہے کہ مڈ ٹرم الیکشن کئے جائیں۔انہوں نےمزید کہا کہ اپوزیشن کی خاموشی کو ہر گز کمزوری نہ سمجھا جائے، آنے والے دنوں میں اپوزیشن مشترکہ طور پر کہے گی مڈٹرم الیکشن ضروری ہیں۔رانا ثناء اللّٰہ نے حکومت کی معاشی پالیسی پر تنقید کرتے ہوئے کہا کہ جس انداز میں موجودہ حکومت معیشت سنبھال رہی ہے ملک نہیں چل سکتا۔

اس خبر پر اپنی رائے کا اظہار کریں

اپنا تبصرہ بھیجیں