سر کے شدید درد سے پریشان اور مداحوں سے دیسی نسخے مانگنے والی ماہرہ خان کا درد رفو چکر ۔۔۔ مگر کس نسخے سے؟ جان کر آپ یقین نہیں کریں گے

کراچی (ویب ڈیسک) پاکستانی سپر اسٹار ماہرہ خان کو شدید سر درد کی تکلیف سے چھٹکارہ مل گیا۔گزشتہ روز ماہرہ خان نے مداحوں سے اپنے سر درد سے نجات کے لیے دیسی نسخہ مانگا تھا۔ماہرہ نے اپنے ٹوئٹ میں بتایا تھا کہ انہیں دو دن سے سر میں شدید درد ہے جس کے لیےوہ ہر 4 سے 6 گھنٹے میں دوا لے رہی ہیں لیکن اس سے نجات نہیں مل رہی ہے۔اداکارہ نے سب سے پوچھا کہ کیا کوئی دیسی نسخہ یا کوئی اور طریقہ ہے جس سے سردرد سے چھٹکارا مل جائے؟ماہرہ کے پوچھنے پر متعدد مداحوں نے ماہرہ کے لیے نیک تمناؤں کا اظہار کرتے ہوئے سر درد سے نجات کے لیے مختلف مشورے دیے تھے۔تاہم اب ماہرہ خان نے مداحوں کو ایک نئی ٹوئٹ شیئر کرکے بتایا کہ ان کا سر درد دور ہوچکا ہے۔ ماہرہ خان لکھتی ہیں کہ ’مجھے بہت اچھا لگا کہ آپ سب نے اتنی محبت کے ساتھ بہترین دیسی نسخے بتائے، میں نے ان تجویز کردہ نسخوں میں سے بے شمار نسخے آزمائے لیکن میں یقینی طور پر نہیں بتا سکتی کہ کون سا نسخہ کام آیا‘۔اداکارہ نے لکھا کہ ’میری امّی نے میرے سر پر دم بھی کیا، میں نے بادام، بلیک کافی اور کیلے کھانے کے ساتھ ساتھ بھاپ بھی لی تھی‘۔سر درد سے نجات کا بتاتے ہوئے ماہرہ نے کہا کہ میں اب ٹھیک ہوں اور اپنے چاہنے والوں کا شکریہ ادا کرتی ہوں۔ماہرہ خان کا سر درد ٹھیک ہونے پر مداحوں نے خوشی کا اظہار کرتے ہوئے خوب تبصرے کیے۔علاوہ ازیں اداکارہ ماہرہ خان نے پاکستان سپر لیگ میں پرفارم کرنے کی خبروںکی تردید کی ہے۔ گزشتہ دنوں خبریں سامنے آرہی تھیں کہ ماہرہ خان اور مہوش حیات پاکستان سپر لیگ کی افتتاحی تقریب میں پرفارم کریں گی، لیکن ماہرہ خان نے تردید کرتے ہوئے کہا ہے کہ وہ ہرگز پرفارم نہیں کر رہیں۔

اس خبر پر اپنی رائے کا اظہار کریں

اپنا تبصرہ بھیجیں