اداکارہ میرا نے اچانک بڑا اقدام اُٹھالیا ، مداحوں کیلئے دھماکے دار خبر آگئی

اسلام آباد(نیوز ڈیسک)لولی ووڈ اداکارہ میرا نے کہا ہے کہ فلم انڈسٹری کو بحران سے نکالنے کے لیے میں نے خود فلم پروڈیوس کرنے کا فیصلہ کیا ہے۔ جو عالمی معیار کی ہوگی اور اس میں نئی نسل کے باصلاحیت اداکار بھی کام کریں گے۔اس بات کا اعلان انہوں نے آرٹس کونسل کراچی میں میڈیا سے گفتگو کرتے ہوئے کیا۔ اس موقع پر آرٹس کونسل کے صدر محمد احمد شاہ، ڈاکٹر ہما میر، وصی قریشی، اطہر جاوید صوفی اور میڈیا کی بڑی تعداد موجود تھی۔انہوں نے کہا کہ میری خواہش ہے فلم کا اسکرپٹ ممتاز ڈراما نگار انور مقصود لکھیں۔میرا نے کہا کہ فلم باجی کو دنیا بھر میں دلچسپی سے دیکھا گیا اور پسند کیا گیا۔ فلم سپر اسٹار اور پرے ہٹ کو بھی پسند کیا گیا۔انہوں نے کہا کہ میرے خلاف ایک گروہ کام کررہا ہے لیکن میں گھبرانے والی نہیں ہوں۔اس موقع پر محمد احمد شاہ نے کہا کہ ہم نے ہمیشہ فنکاروں کی پزیرائی کی ہے۔ آرٹس کونسل کے دروازے سب کے لیے کھلے ہیں

اس خبر پر اپنی رائے کا اظہار کریں

اپنا تبصرہ بھیجیں